Kərə yağı mətbəximizdə ən çox istifadə edilən qidalar sırasındadır. Təbii kərə yağının bədənə faydası əvəzsizdir.

Bəs əsl kərə yağını necə müəyyən etmək olar?

Kərə yağından kiçik bir hissəni götürüb isti suyun içərisinə atın. Həqiqi kərə yağı bir parça şəklində kiçilərək əriyəcək. Əgər yağ hissələrə ayrılaraq əriyirsə, demək həqiqi deyil.

Əsl kərə yağı otaq temperaturunda tam əriməz, sadəcə yumşalar. Nə qədər yumşalsa da, forması dəyişməz. Əksi prosesi müşahidə etsəniz demək yediyiniz həqiqi kərə yağı deyil.

Əsl kərə yağını soyuducudan çıxaran kimi kəsməkdə çətinlik çəkə bilərsiniz. Lakin kəsərkən yağda çatlar yaranırsa, demək təbii deyil.

Sarı kərə yağı daha təbiidir. Lakin ağ rəngdə də kərə yağı ola bilər. Bu yağ hazırlanarkən istifadə edilən heyvanın südündən asılıdır.

Kərə yağını tavada əridəndə üzərində qabarcıqlar yaranmaz və köpüklənməzsə demək həqiqi kərə yağı deyil.