Lakin bu vəziyyətə düşməyinizin səbəbi hava dəyişkənliyi ola bilər. Aparılan araşdırmalar mövsümi, fəsil dəyişkənliyinin psixologiyamız üzərində həm müsbət, həm də mənfi təsirlərinin olduğunu üzə çıxarıb. Hətta çoxlarında sentyabrın gəlməsi ilə mövsümi depressiya, yorğunluq problemləri baş qaldırır. Əslində heç bir narahatlığa ehtiyac yoxdur. Sağlam və balanslı bəslənməklə, enerji dolu qidalarla bu problemin öhdəsindən asanlıqla gələ bilərsiniz.
Hamımızın da bildiyi kimi işlənmiş qidalarda bol miqdarda qoruyucu maddə, qatqı maddəsi və trans yağ var. Bu zərərli elementlər sizə enerji vermək bir tərəfə olan enerjinizi də alıb aparır. Bu səbəbdən mütəxəssislər təbii, təzə qidalardan istifadə etməyinizi təklif edir.
Qida nə qədər təzə olarsa, bir o qədər yaxşıdır. Tərəvəz və meyvələri mövsümündə yemək, ehtiyacınız olan enerjini yığmaq üçün ilk qaydadır.
Qəhvə, çay, ya da qazlı içkilər…
Bütün bunlar içdiyiniz zaman sizə enerji versə də, uzunmüddətli dayanıqlı deyil, daha tez yorulmanıza səbəb olur. Bu cür içkilər yerinə özünüzə mövsümi yorğunluğa yaxşı təsir edəcək detoks suları hazırlaya bilərsiniz
Toyuq, hind toyuğu, ya da balıq
Bu kimi qidalarda çoxlu miqdarda zülal var və az yağlıdırlar. Yorğunluğunuzu aparmaq üçün vacib qidalardır.
Rəfinə edilmiş şəkərdən və zərərli karbohidratlardan imtina etmək, bunların yerinə tam taxıllı qidalardan istifadə etmək enerjinizi heç olmadığı qədər artıracaq.
Zəngin və sağlam yağ qaynağı olan çia toxumunda (chia-red) bol miqdarda lif var və super enerji qaynağıdır. Xüsusilə idmanla məşğul olanların qida rasionunda mütləq olmalıdır.
Aclıq və yorğunluqla mübarizə aparmaqda çərəzlər və meyvə qurularının rolu böyükdür. Xüsusilə də çiy halda yeyilənlər ara paylar üçün bir növ möcüzəvi qida rolunu oynayır.
Su bədəninizə enerji vermək üçün yetərli olmasa da yediyiniz qidaların enerjiyə çevrilməsinə kömək edir. Əlavə olaraq mövsümi yorğunluqla birlikdə gələn baş ağrılarını da azaldır.
Kalium, lif, vitamin və karbohidrat baxımından zəngin olan banan möcüzəvi təbii enerji qaynağıdır. Ara paylarda ürəklə istehlak edə bilərsiniz.