ABŞ prezidenti Donald Tramp Ukrayna lideri Vladimir Zelenskini Rusiyada dizel yanacağının istehsalı və tədarükü ilə əlaqəli obyektlərə hücumları dayandırmağa çağırıb.
Tramp jurnalistlərə bildirib ki, “Cənab Zelenski bir şey etməlidir. O, Rusiyada dizel yanacağına hücum etməyi dayandırmalıdır. Qoy hədəflərə hücum etsin, amma dizel yanacağına yox, çünki dizel çatışmazlığına səbəb olan budur”.
Amerika prezidentinin sözlərinə görə, yanacaq təchizatı ilə bağlı problemlər Yaxın Şərqdəki vəziyyətlə deyil, Rusiya-Ukrayna müharibəsi ilə bağlıdır.
“Buna görə də cənab Zelenski ilə bu barədə danışdıq. Bir çox başqa məqsədlər də var. Dizel yanacağını hədəfə almayın, çünki bu zərərlidir, bütün dünya üçün zərərlidir. Biz onun dizel yanacağını hədəfə almasını istəmirik”, – deyə Tramp əlavə edib.