Sən ehtiyat qüvvəni vaxtında qurmayacaqsansa, vaxtında çatdırmayacaqsansa, Avropaya yarımçıq, kal planla hazırlaşacaqsansa, “birdən alındı” prinsipinə əsaslanıb oynayacaqsansa, olacağı, görəcəyin budur.
Yabayla tank üstünə getməzlər. O tank könhə, zirehi zəif, silahı əvvəlki kimi olmasa da, tankdır.
Səfərdə alındı, ağıllı oyun oynandı, əldəki imkanlara uyğun maksimum nəticə əldə edildi. Amma cavab matçını bu bəxt hesabına keçmək fikri yanlış idi.
Futbol ona ciddi yanaşmayanları, istəyini, əzmini sona qədər ortaya qoymayanları sevmir və heç vaxt bağışlamır. Bir dəfə də bağışlamır.
Ardıcıl 12 əsas mərhələdən sonrakı – 13-cü mövsüm nəhs gəldi. “Qarabağ” bu il Avropada olmayacaq.