Ukrayna Silahlı Qüvvələrinin Rusiyanın Sevastopol şəhərinə hücumu nəticəsində yaşayış məntəqəsi işıqsız qalıb.
Tacxeber.com xəbər verir ki, bunu Sevastopolun qubernatoru Mixail Razvojayev Telegram-da yazıb.
“Ukraynanın enerji infrastrukturumuza hücumu nəticəsində şəhər müvəqqəti olaraq elektriksiz qalıb. Onlar yenidən zərbə endirir, bizi adi həyat şəraitimizdən məhrum etməyə və panika yaratmağa çalışırlar. Obyektlərdə xüsusi rejim tətbiq edilib, mütəxəssislər zərərin miqyasını qiymətləndirir və elektrik enerjisinin bərpası üçün mümkün olan hər şeyi edirlər”, – o bildirib.
M.Razvojayevin sözlərinə görə, bütün fövqəladə hallar xidmətləri tam hazırlıq vəziyyətindədir.
Qubernator sakinlərə telefonlarının batareyasına qənaətlə yanaşmağı, cihazlarından yalnız təcili rabitə üçün istifadə etməyi, fon tətbiqlərini söndürməyi və smartfonların parlaqlığını minimuma endirməyi tövsiyə edib.
Rusiya Müdafiə Nazirliyinin yaydığı məlumata görə, hava hücumundan müdafiə qüvvələri bir gecə ərzində Rusiya regionları, Azov və Qara dənizləri üzərində 320-dən çox Ukrayna dronu məhv edib.