“Der Spiegel” jurnalının məlumatına görə, İran İordaniyadakı Əl-Əzraq aviabazasında yerləşən Almaniya kontingentinə raket hücumu həyata keçirib.
Nəşrin məlumatına görə, 10 mart gecəsi İrandan atılan ballistik raketlər Bundesver kontingentinə məxsus kazarma binasına dəyib. Bazada həmçinin ABŞ Hərbi Hava Qüvvələri də yerləşir.
Qeyd olunur ki, hücum zamanı alman əsgərləri sığınacaqlarda olublar, ona görə də heç kim xəsarət almayıb.
Raketlərin özlərinin obyektə dəyib-dəymədiyi, yoxsa ələ keçirilən raketlərin qalıqlarının bazaya düşüb-düşmədiyi hələ də məlum deyil. Zərərin miqyası müəyyənləşdirilir və araşdırma aparılır.