Barmaqlarda ağrı və keyimə, ön qollarda gücsüzlük, boyun və çiyin gərginliyi tez-tez sadə yorğunluq kimi qiymətləndirilsə də, əslində bədənin xəbərdarlıq siqnalları ola bilər. Ən çox səbəb klaviaturanın düzgün istifadə edilməməsidir.
Mütəxəssis tövsiyələri:
Klaviaturanı masa kənarından təxminən 30 sm aralıda yerləşdirin
Dirsəklər rahat bucaq altında olsun, stulun qoltuqaltısından dəstək alın
Hər 30–60 dəqiqədən bir qısa fasilə verin
Əllər və barmaqlar üçün sadə isinmə hərəkətləri edin (yumruqları sıxıb buraxmaq, biləkləri yüngül çevirmək)
Əsas risk: Barmaq oynaqları deyil, əzələlər, vətərlər və sinirlərin uzun müddət həddindən artıq yüklənməsidir. Xüsusilə biləyin səhv mövqedə qalması karpal tunel sindromuna gətirib çıxara bilər.
Karpal tunel sindromunun əlamətləri:
Baş, şəhadət və orta barmaqlarda ağrı və keyimə
Ovuc içində sancı, sıxılma və partlayıcı ağrı
Əlamətlər gecə daha da şiddətlənir.(Doktorinfo.az)