Milli Məclisin Hüquq siyasəti və dövlət quruculuğu komitəsinin iclasında Cinayət-Prosessual Məcəlləyə dəyişiklik layihəsi müzakirə edilib. Layihəyə görə, müstəntiq cinayət prosesi çərçivəsində məhkəmə qərarı olmadan telefonlar, kompüterlər və digər elektron cihazlara baxış keçirə biləcək, o cümlədən onların yaddaşındakı məlumatları götürə biləcək.
Dəyişiklik layihəsi istintaq üçün vacib sübutların toplanmasını sürətləndirmək məqsədi ilə əsaslandırılır və müstəntiqə daha geniş səlahiyyətlər verilməsini nəzərdə tutur.
Qanun layihəsinə əsasən, cihazlara baxış zamanı müstəntiq mütəxəssis köməyi ilə İKT sistemlərinə daxil ola bilər, elektron verilənlərə baxış və götürmə əməliyyatlarını məhkəmə qərarı olmadan həyata keçirə bilər.
Layihə ilə həmçinin xidmət provayderlərində saxlanılan abunəçi və trafik məlumatlarının ələ keçirilməsində məhkəmə qərarının tələb olunmayacaq halları müəyyən ediləcək. (Arqument.az)