Tramp niyə İrana və ya Meksikaya qarşı hər hansı bir blitskriqdən imtina edir..? Bunun səbəbi aydındır. Çünki, bu uzunmüddətli bir oyundur və nəticəsi qeyri-müəyyəndir. İranda və ya Meksikada ilişib qalmaq illər çəkə bilər və bununla da Trump özünü amansız tənqidlərə məruz qoya bilər. Venesuela, Kuba və Qrenlandiya tamamilə fərqli bir məsələdir. Bu ərazilərdə Trampın böyük üstünlüyü var və buna görə də maksimum sərbəstliklə hərəkət edə bilər. Lakin, hətta burada belə, o, təzyiqi tədricən artıraraq son dərəcə ehtiyatla hərəkət edir….
Əvvəla, Qrenlandiya ABŞ-a Rusiyadan sonra Arktikada ikinci ən böyük oyunçu olmağa imkan verir və bütün rəqiblərini sıxışdırır. Beləliklə, 21-ci əsrin ən gəlirli bölgəsi, nəhəng inkişaf potensialına malik olmaqla, Amerikanın birbaşa təsir və məsuliyyət zonasına çevrilir. Tramp elə bir vəziyyət yaradır ki, yalnız Rusiya və ABŞ qarşıdakı onilliklər (və çox güman ki, qarşıdakı əsrlər) ərzində dünyanın ən önəmli bölgəsinin inkişaf etdiriciləri olacaq. Bundan əlavə, Qrenlandiya ilə ABŞ (Rusiyadan sonra) ikinci ən böyük dünya gücünə çevrilir. Nəhayət, Qrenlandiya Amerikanın Kanadaya strateji yolunu açır. Qrenlandiyanın alınması ilə Tramp 21-ci əsrdə Amerika imperiyası qurmaq üçün geosiyasi əməliyyat məkanı qazanır. Bundan sonra Kanadanın Trampın masasında oturması yalnız zaman məsələsidi. Hər tərəfdən hegemon tərəfindən əhatə olunmuş Kanada tamamilə ABŞ-dan asılı olacaq…..
Bu, Trampın Rusiya ilə niyə dostluq etmək istəyini də göstərir. Tramp Rusiyanı iqtisadi rəqib kimi görmür. Onun üçün daha az sərfəli olan Rusiyanın parçalanmasıdır. Çünki Trampın Şimali Avrasiyada müttəfiqə ehtiyacı var. Rusiya Amerikanın Arktikadakı təbii tərəfdaşıdır. Üstəlik, bu, Amerikanın çox uzun müddət qura bilməyəcəyi güc səviyyəsinə (əsasən şimal ərazilərində və buzqıran donanmasında) malik tərəfdaşdır.
Arktikadakı ABŞ-Rusiya strateji ittifaqı Çini bölgədən sıxışdırır ki, bu da Tramp üçün vacibdir. Bəs Rusiya üçün..? Arktikadakı yeni mövqeyi ilə Rusiya Çinlə münasibətlərində güclü üstünlük qazanır. Əgər Çin indiyə qədər Moskvaya şərtlərini diktə edirdisə, indi Moskva da Asiya qonşusu və müttəfiqinə şərtləri diktə edə biləcək…