Sentyabrın 27-nə keçən gecə Ukrayna Təhlükəsizlik Xidmətinin pilotsuz təyyarələri Rusiyanın Çuvaş Respublikasında yerləşən Tinqovatovo neft nasos stansiyasına hücum edib. RBC-Ukrayna SBU daxilindəki mənbələrə istinadən xəbər verir ki, obyekt müvəqqəti olaraq sıradan çıxıb.
“Sentyabrın 27-nə keçən gecə SBU-nun “A” Xüsusi Əməliyyat Mərkəzinin uzaqmənzilli dronları Çuvaş Respublikasının Konar kəndində Ukraynadan min kilometrdən çox məsafədə yerləşən Tinqovatovo neft nasos stansiyasını hədəfə alıb”, – mənbə izah edib.
Onun sözlərinə görə, dəymiş ziyanın qiymətləndirilməsi başa çatana qədər stansiyanın fəaliyyəti dayandırılıb. Çuvaşiyanın rəhbəri də hücumu təsdiqləyib.