İlon Maskın neyroçiplərin implantasiyası ilə məşğul olan “Neuralink” şirkəti görmə qabiliyyətini tamamilə itirmiş xəstənin 2026-cı ildə sağaldılması üzrə əməliyyat keçirməyi planlaşdırır.
Tacxeber.com xəbər verir ki, Mask bu barədə “X” sosial şəbəkəsində şirkətin Kanadada ilk əməliyyatlarını həyata keçirməsi ilə bağlı yayılan məlumatları şərh edərkən açıqlama verib.
Açıqlamada qeyd olunub ki, həmin şəxsin görmə qabiliyyətinin qismən bərpası nəzərdə tutulub.
Xatırladaq ki, iyul ayında “Bloomberg” agentliyi “Neuralink” şirkətinin 2031-ci ilə qədər hər il 20 min xəstəyə neyroçip implantasiyası həyata keçirməyi planlaşdırdığını yazıb.