ABŞ prezidenti Donald Tramp seçkilərin keçirilməsinə nəzarətin gücləndirilməsi və saxtakarlığın qarşısının alınmasına yönəlmiş sərəncam imzalamaq niyyətində olduğunu açıqlayıb. Bu barədə o, özünün Truth Social sosial şəbəkəsində məlumat verib.
“Seçici şəxsiyyət vəsiqəsi hər seçkidə məcburi olmalıdır – istisnalar yoxdur! Bunun baş verməsi üçün mən sərəncam imzalayacağam”, – Amerika lideri vurğulayıb.
Tramp həmçinin poçtla səsvermənin geniş tətbiqinə qarşı çıxıb və bildirib ki, seçim yalnız ağır xəstə vətəndaşlar və ölkədən kənarda yerləşən hərbçilər üçün nəzərdə tutulmalıdır.