Amerika Birləşmiş Ştatları Beynəlxalq Cinayət Məhkəməsinin dörd hakim və prokuroruna qarşı sanksiyalar tətbiq edib.
Tacxeber.comxəbər verir ki, bu barədə ABŞ Dövlət Departamenti məlumat verib.
Dövlət Departamentində izah olunub ki, qərar “Beynəlxalq Cinayət Məhkəməsinin bir şəxsi araşdırmaq, həbs etmək, saxlamaq və ya məhkəməyə cəlb etmək cəhdlərinin həmin şəxsin vətəndaşı olduğu ölkənin razılığı olmadan həyata keçirilməsi” səbəbindən “zərərli hərəkət” kimi qiymətləndirilməsinə görə qəbul olunub.
Xüsusilə, sanksiyalar altına düşənlər arasında Beynəlxalq Cinayət Məhkəməsinin iki hakimi və iki baş prokuror müavini var: onlardan biri məhkəməyə “Əfqanıstanda Amerika personalının fəaliyyətini araşdırmağa icazə verdiyi üçün”, digərləri isə İsrailin baş naziri Binyamin Netanyahu və keçmiş müdafiə naziri Yoav Qalantın həbsinə order verilməsindəki rollarına görə cəzalandırılıb.
Sanksiyalar ABŞ ərazisində bu şəxslərə məxsus bütün aktivlərin dondurulmasını və bloklanmasını nəzərdə tutur. Həmçinin ABŞ rezidentlərinə bu şəxslərin xaricdəki əmlakı ilə bağlı hər hansı əməliyyat aparmaq və ya onlara hər hansı xidmət göstərmək qadağan edilir.
Xatırladaq ki, Ukrayna uşaqlarının deportasiyasına görə Beynəlxalq Cinayət Məhkəməsi Rusiya prezidenti Vladimir Putinin həbsinə order vermişdi.