Qorxu pis şeydir…
Rusiya Ukraynanın zərbələrindən sonra təcili olaraq strateji bombardmançı təyyarələrini Uzaq Şərqə köçürür. Bütün Tu-160-lar Belaya (İrkutsk vilayəti) və Olenya (Murmansk vilayəti) aerodromlarından təxliyə edilib. İndi bu təyyarələrin bəziləri Çukotkada Anadırda və Kamçatkadakı Yelizovodadır. Qalanları Tatarıstandadır.
Bütün Tu-95MS və 11 Tu-22M3 təyyarələri də aviabazaları tərk edib. Onlar Uzaq Şərq və cənub aerodromlarına səpələniblər: Ukrainka, Engels-2, Borisoglebskoye və hətta, əvvəllər demək olar ki, istifadə olunmayan Mozdok aerodromuna.
Müharibə başlayandan bəri ilk dəfə Moskva strateji aviasiyanı geniş miqyasda “dağıdır”. Hərbi analitiklərin fikrincə, Rusiya Federasiyası təkrar hücumların qarşısını almaq üçün öz təyyarələrinin yerini daha tez-tez dəyişməli olacaq.
