“ABŞ Milli Qvardiyasının Los-Ancelesdə iğtişaşlarla mübarizə üçün yerləşdirilməsi eskalasiyaya gətirib çıxaracaq və xaosa səbəb olacaq”.
Tacxeber.comxəbər verir ki, bunu ABŞ-ın keçmiş vitse-prezidenti Kamala Harris X sosial şəbəkəsində yazıb.
“Bu, təhlükəsizliyi təmin etmək üçün deyil, çaxnaşma və parçalanma yaratmaq üçün atılan addımdır. İdarəetmə proqramının bir hissəsidir”, – o bildirib.
Qeyd edək ki, iyunun 8-də ABŞ İmmiqrasiya və Gömrük Mühafizəsi tərəfindən Los-Anceles şəhərinin mərkəzində qeyri-qanuni mühacirləri müəyyən etmək üçün keçirdiyi reyd etirazçılarla toqquşmaya çevrilib.
Ağ Ev rəsmiləri Los-Anceles etirazlarını “qanunlara qarşı üsyan” kimi qiymətləndiriblər.