Cənubi Koreyada peşə imtahanının ən yüksək nəticəsini göstərən şəxsin süni intellektdən istifadə etdiyini etiraf etməsi universitetə qəbul imtahanları ərəfəsində narahatlıq yaradıb.
Tacxeber.com “The Guardian”a istinadən xəbər verir ki, vergi mühasibliyi imtahanında 160 sualdan yalnız birini səhv cavablandıran iştirakçı gizli kamera və süni intellektlə köçürdüyünü bildirib.
Noyabrın 19-da yarım milyondan çox namizədin qatılacağı qəbul imtahanlarında nəzarət gücləndirilir. Eynəklər, saatlar və geyimlər gizli cihazlara görə yoxlanılacaq, ağıllı qurğular söndürülərək təhvil veriləcək.
Nəzarətçilərin sayı artırılır, imtahan mərkəzlərində Wi-Fi bağlantılarının söndürülməsi hazırlanır.
