ABŞ prezidenti Donald Tramp mühafizəkar radio aparıcısı Qlenn Beklə müsahibəsində bildirib ki, İranın Ali Lideri Müctəba Xamenei İran ərazisinə endirilən zərbə nəticəsində ağır yaralanıb, lakin sağ qalıb.
“Düşünmürəm ki, o öldü. Bədəninin sol tərəfindən çox ciddi bir yara aldı. Ağır yaralanmışdı, amma öldüyünü düşünmürəm”, – Tramp dedi.
Amerika lideri həmçinin ABŞ ilə İran arasındakı müharibənin “tezliklə” başa çatacağına əminliyini ifadə edib.
“İnanıram ki, İranla müharibə tezliklə başa çatacaq, çünki Hörmüz boğazı açıqdır. Hazırda bir çox gəmi keçir. Biz onların keçməsinə icazə veririk. Artıq mina yoxdur. Yəqin ki, dünən bunu elan etdiyimizi gördünüz. Bütün minaları təmizlədik və boğaz açıqdır”, – deyə Amerika lideri vurğulayıb.