İsrailin keçmiş baş naziri Ehud Barak İsrail ilə Türkiyə arasında münasibətlərin pisləşməsi fonunda hazırkı baş nazir Binyamin Netanyahunu sərt tənqid edib.
Barak sosial mediada yazıb: “Bütün detallar müzakirə edilə bilməz. Lakin Netanyahunun Türkiyə ilə gərginliyi qəsdən artırması məsuliyyətsiz və axmaqcasınadır. Türkiyə İran və ya [Bəşər] Əsədin Suriyası deyil. Türkiyə ilə ABŞ ilə əlaqələndirilmiş şəkildə gizli təmaslar vasitəsilə uzunmüddətli həll edilə, azaldıla və ya təxirə salına bilməyən strateji problem yoxdur”.
Keçmiş baş nazirin sözlərinə görə, Netanyahu “tamamilə relsdən çıxıb” və 27 oktyabrda keçiriləcək İsrailin növbədənkənar parlament seçkilərindən əvvəl “güclü siyasi niyyət hissi ilə” hərəkət edir.
Barak 1999-cu ildən 2001-ci ilə qədər İsrail hökumətinə rəhbərlik edib. İllər ərzində o, həmçinin Baş Qərargah rəisi və Müdafiə naziri vəzifələrində çalışıb.