Rusiya Təhlükəsizlik Şurasının sədr müavini Dmitri Medvedev “Max” qəzetində bildirib ki, Ukrayna Silahlı Qüvvələrinin Rusiya şəhərlərinə və vətəndaşlarına artan hücumları səbəbindən Kiyevlə bağlı “artıq heç bir qayda yoxdur”.
Medvedev yazıb: “Şəhərlərimizə qarşı kütləvi hücumların intensivliyi artmaqdadır və açıq-aydın artmağa davam edəcək, Kiyevlə bağlı artıq heç bir qaydanın olmadığını və ola bilməyəcəyini açıq şəkildə bəyan etməyin vaxtıdır”.
Onun sözlərinə görə, mülki əhalinin qəsdən məhv edilməsi Rusiya üçün məqbul olan hüdudlardan kənarda qalmalıdır, lakin “qalanları tamamilə məqbuldur”.
Medvedev həmçinin bildirib ki, Müharibə Qanunları və Adətləri haqqında Haaqa Konvensiyalarına “artıq ehtiyac yoxdur”.
“Son yüz ildə müharibələr kəskin şəkildə dəyişib. O vaxtlar hətta düşmən ölkələrin liderlərini oğurlamaq və ya öldürmək belə qəbuledilməz idi. Şarlardan bomba atmaq isə raketlər və dronlarla əvəz olunub”, – deyə Medvede yazıb və əlavə edib ki, bu vəziyyətdə “rebus sic stantibus bəndinə istinad etmək tamamilə uyğundur”.