Seçkilərdə Putinin vəkili olmuş şəxsin qızı Ukrayna Silahlı Qüvvələrinə ianə etməyə çağırdığına və müharibə əleyhinə mitinqdə iştirak etdiyinə görə qiyabi məhkum edildi
Kirov şəhər məhkəməsi 28 yaşlı Aleksandra Puqaçı “saxta məlumat yaymaq” və “dövlətin təhlükəsizliyinə qarşı çağırışlar etmək” ittihamları ilə qiyabi olaraq 6 il müddətinə azadlıqdan məhrum edib.
Cinayət işinin açılmasına səbəb qızın Gürcüstanda keçirilən müharibə əleyhinə mitinqdə çıxışı olub. O, həmin çıxışında Ukraynaya yardım etməyə və Ukrayna Silahlı Qüvvələrinə (ZSU) ianələr göndərməyə çağırıb. Aleksandra özünün Instagram səhifəsində də Ukraynaya dəstək xarakterli paylaşımlar edir.
Aleksandra Puqaç Vyatka Dövlət Universitetinin rektoru, son prezident seçkilərində Kirov vilayətində Putinin vəkili olan Valentin Puqaçın qızıdır. Müharibə başlayandan sonra Aleksandra Gürcüstana köçüb və atası ilə əlaqəni kəsib.
“Perm 36,6” nəşrinə görə, Puqaç ailəsi əslən Ukraynadandır. Vyatka Dövlət Universitetinin rektorunun yaşlı anası Pokrovsk şəhərində yaşayırdı və başlayan müharibə üzündən 85 yaşında doğma şəhərindən qaçmağa məcbur olub.