Ermənistanın Baş naziri Nikol Paşinyan Rusiyanın Ermənistanın kənd təsərrüfatı ixracına qoyduğu məhdudiyyətləri tənqid edərək bildirib ki, bu cür tədbirlər Avrasiya İqtisadi Birliyinə qarşı ictimai münasibətə mənfi təsir göstərir.
Ermənistan hökuməti başçısının sözlərinə görə, ayrı-ayrı şirkətlərdə fitosanitar problemlər yarana bilər, lakin ümumilikdə Ermənistanda kənd təsərrüfatı məhsullarının keyfiyyətinə nəzarət sistemi effektivdir və təkmilləşməkdə davam edir.
“Hesab edirəm ki, bu addımlar səhvdir, çünki onlar insanları AİB-ə qarşı qaldırırlar. AİB-in yüksək vəzifəli rəsmisi kimi bu, mənim üçün problemdir. Amma biz bütün bu məsələləri həll edəcəyik”, – deyə Paşinyan vurğulayıb.
O, həmçinin yaranan fikir ayrılıqlarının həll olunacağına əminliyini ifadə edərək, Ermənistanın məhsullarının keyfiyyətini artırmaq və nəzarət mexanizmlərini inkişaf etdirmək üçün işlərini davam etdirdiyini qeyd etdi.