NASA-nın peyk məlumatlarına görə, İranın cənub-şərqində yerləşən Lut səhrası (Dəşte-Lut) planetimizin ən isti nöqtəsi olaraq rekordlar qırır.
2005-ci ildə peyklər tərəfindən səhrada 70.7°C kimi qorxunc bir səth temperaturu qeydə alınmış, daha sonra isə bu rekord təzələnərək 80.8°C-yə yüksəlmişdir (Bu, kölgədəki hava temperaturu deyil, torpağın və səthin temperaturudur).
Lut səhrası təxminən 51,800 km²-lik geniş bir ərazini əhatə edir. Dünyanın ən böyük səhraları siyahısında 25-ci yerdədir və 2016-cı ildən etibarən bütövlükdə UNESCO-nun Ümumdünya İrsi Siyahısına daxil edilmişdir.
Bu qədər yüksək temperaturun səbəbi nədir?
Səbəb səhranın səthinin günəş şüalarını tamamilə udan və istiliyi saxlayan tünd rəngli vulkanik süxurlarla örtülməsidir. Bundan əlavə, ərazinin topoqrafik olaraq alçaqda yerləşməsi isti havanı içəridə həbs edərək təbii bir soba effekti yaradır.
Bu sərt iqliminə baxmayaraq, Lut səhrası açıq səma altında unikal bir coğrafi laboratoriya hesab olunur.
Yardanqlar (Yardangs): Küklərin min illər ərzində qayaları yonması ilə yaranan, başqa bir planetdəki tərk edilmiş şəhəri xatırladan nəhəng qum qalaları və təpələri.
Ən hündür qum dyunları: Dünyanın ən hündür qum dyunları (təpələri) buradadır; bəzilərinin hündürlüyü 400 metrə çatır.
Maraqlı fakt: Fars dilində Lut sözü düzən, çılpaq və ya boş deməkdir.