“Müdafiə Xətti” insan hüquqları təşkilatının icraçı direktoru, hüquq müdafiəçisi Rüfət Səfərova 9 il həbs cəzası istənilib.
Mayın 18-də Bakı Ağır Cinayətlər Məhkəməsində dövlət ittihamçısı Vüsal Mehrəliyev çıxışında bu təkliflə çıxış edib.
Prokuror iddia edib ki, Səfərova qarşı irəli sürülən dələduzluq, xuliqanlıq və qəsdən sağlamlığa zərər vurma kimi ittihamlar məhkəmə istintaqı zamanı tam təsdiqini tapıb.
Hüquq müdafiəçisi prokurorun çıxışını və onun üçün tələb etdiyi cəzanı gülüşlə qarşılayıb.
R.Səfərovun məhkəmə prosesi iyunun 5-də vəkillərin müdafiə çıxışları ilə davam edəcək.(Azadlıq Radiosu)