Təxminən 50 ilin söhbətidi. Daha doğrusu, hadisəsidi. Rayonda çox əzazil bir raykom katibi kommunal təsərrüfatı idarəsinin müdirini kabinetində təhqir etmişdi.
Müdir də elə katibin öz stolunun üstündəki çernillə yazan qələmini götürüb rayonun birinci adamının ağ köynəyinə çiləyib uzun qara bir iz salmışdı. Sonra, əlbəttə katib o müdiri tutdurmuşdu. Amma həmin anda adama söylədiyi
hədəli etirafı heç unudulmadı.
Bu qara bu köynəkdən gedər, ancaq mənim sinəmdən getməz, demişmiş..
İndi Ukrayna prezidenti Zelenskiy də bu gün Kiyevdə imzaladığı bir fərmanla Rusiyanın birinci adamının – Putinin sinəsinə eyni cür effekt verən bir dağ çəkib.
Fərmanda deyilir ki, Moskvada 9 may paradı müddətində “Qırmızı Meydanın ərazisi Ukrayna silahlarından istifadə planından çıxarılsın”.
Başqa sözlə bu, Kiyev rəsmi olaraq Putinə paradı maneəsiz keçirməyə “icazə verib” deməkdir və Onu elə bir alçaltmaqdır ki.. ölsə ondan yaxşıdı.
Həm də bunu tək Putin yox, heç kim unutmayacaq: Moskva ən simvolik bayramını Kiyevin açıq şəkildə təqdim etdiyi “zəmanətlər” altında keçirir.