İranın dövlət xəbər agentliyi IRNA-nın məlumatına görə, İran ABŞ ilə danışıqların ikinci mərhələsində iştirak etməkdən imtina edib.
Bəyanatda deyilir: “ABŞ-ın həddindən artıq tələbləri, qeyri-real və əsassız iddiaları, daim dəyişən mövqeləri, ziddiyyətli bəyanatları və atəşkəs razılaşmasını pozan davam edən sözdə dəniz blokadası danışıqlarda irəliləyişin qarşısını alıb. Bu şəraitdə məhsuldar dialoq üçün heç bir perspektiv yoxdur”.
Bu arada, Tasnim-in məlumatına görə, Tehran danışıqları davam etdirməkdənsə, ABŞ və İsrail ilə yenidən müharibə ssenarisini daha çox ehtimal edir.
Agentlik qeyd edir ki, Amerika və İsrailin respublikaya növbəti zərbələri endiriləcəyi təqdirdə, İran cavab verməyə və düşmənə “unudulmaz cəhənnəm saatları” yaşatmağa hazırdır.