Ermənistanın Baş naziri Nikol Paşinyan parlamentdə çıxış edərək guya “türkiyəli” və “azərbaycanpərəst” mövqe tutmaqda ittihamlara münasibət bildirib.
“Bu insanlar sülhə qarşı olmadıqlarını deyirlər. Onlar heç vaxt sülhə qarşı olmayıblar; onlar sadəcə olaraq regiondan minlərlə kilometr uzaqda – Moskvada, Brüsseldə, Ki-Uestdə və s. müzakirə ediblər. Təkrar edirəm: bəli, bizim Avstraliya ilə uzunmüddətli və zəmanətli sülhümüz var. Amma sülh öz regionunuzda varsa, o, sülhdür. Regiondan kənarda sülh axtarırsınızsa, onu necə təsəvvür edirsiniz? Bu, müharibədir! Bizim gedib danışmağa başlamaq üçün cəsarətimiz var idi”, – deyə o bildirib.
Paşinyanın sözlərinə görə, gizli razılaşmalar barədə iddialar həqiqətə uyğun deyil. Lakin o, Ermənistanın “artıq imzalanmış, paraflanmış və hətta bəziləri ratifikasiya edilmiş” müqavilələri olduğunu vurğulayıb.
Baş nazir qeyd edib ki, “Mənim heç vaxt açıq şəkildə elan edilənlərdən başqa heç bir razılaşmam olmayıb və yoxdur. Əsas məsələ odur ki, bütün razılaşmalar əldə edilib və dərc edilib”.