Macarıstan parlament seçkilərində qalib gələn Tisza partiyasının lideri Peter Magyar gələcək hökumətinin baş nazirin səlahiyyət müddətini iki dörd illik müddətlə məhdudlaşdırmaq üçün konstitusiya islahatı aparacağını bildirib.
Bloomberg yazır ki, bu yenilik istefa verən Baş nazir Viktor Orbanı hakimiyyətə qayıtmaq imkanından məhrum edəcək.
Viktor Orban 16 il Baş nazir vəzifəsini tutub.
Magyarın sözlərinə görə, Prezident Tamaş Şujokla görüşdə həmçinin ölkə konstitusiyasına prezidentin səlahiyyətlərini gücləndirmək üçün dəyişikliklər və birbaşa prezident seçkilərinin keçirilməsi imkanları müzakirə olunub. Hazırda ölkə lideri parlament tərəfindən seçilir.
“Qanunun aliliyini, plüralist demokratiyanı və yoxlama və tarazlıq sistemini bərpa etmək üçün hər şeyi edəcəyik”, – Tisza partiyasının lideri daha əvvəl izah etmişdi.
Eyni zamanda, Magyar demokratik institutların bərpası üçün sistemli islahatlar həyata keçirəcəyinə söz verib. Prioritet tədbirlərə korrupsiya ilə mübarizə və milli aktivlərin qorunması daxil olacaq.