İran və ABŞ atəşkəs planı alıblar: Hörmüz bu gün açıla bilər.
Reuters agentliyinin mənbəyə istinadən verdiyi məlumata görə, İran və ABŞ Pakistan vasitəsilə bu gündən etibarən qüvvəyə minə biləcək atəşkəs planı alıblar.
Sənəddə iki mərhələli plan nəzərdə tutulur: Hörmüz boğazının açılması ilə dərhal atəşkəs, ardınca isə 15-20 gün ərzində hərtərəfli razılaşma üzrə danışıqlar.
Mənbənin məlumatına görə, tərəflərin bu gün əsas parametrlər üzrə razılığa gəlməsi gözlənilir. İlkin razılaşmanın yeganə ünsiyyət kanalı olan Pakistan vasitəsilə memorandum şəklində rəsmiləşdirilməsi planlaşdırılır.
Qeyd olunur ki, Pakistan ordusunun rəisi Asim Munir gecə boyu ABŞ-ın vitse-prezidenti J.D. Vance, xüsusi elçi Stiv Vitkoff və İranın xarici işlər naziri Abbas Əraqçi ilə əlaqə saxlayıb.
Son danışıqların İslamabadda keçirilməsi gözlənilir.