Hörmüz boğazı ABŞ və İsrail üçün uzun müddət bağlı qalacaq.
Tacxeber.com xəbər verir ki, bunu İran silahlı qüvvələrinin nümayəndəsi Əbülfəzl Şəkarçi bildirib.
O, dövlət televiziyası və radiosunda bildirib ki, “ Hörmüz boğazı uzun müddət amerikalılar və sionistlər (İsrail nəzərdə tutulur) üçün bağlı olacaq. Onlar heç bir halda ona yaxınlaşmayacaqlar” .
İran hakimiyyəti Hörmüz boğazını ABŞ, İsrail və İslam Respublikasına qarşı təcavüzü dəstəkləyən ölkələrlə əlaqəli gəmilər üçün bağlamaq qərarına gəlib. Münaqişə zamanı bir neçə tankerə Tehranın icazəsi olmadan boğazdan keçdiyinə görə hücum edilib. 25 martda xarici işlər naziri Abbas Əraqçi İranın Rusiya, Hindistan, İraq, Çin və Pakistan da daxil olmaqla dost ölkələrə Hörmüz boğazından keçməyə icazə verdiyini açıqlayıb. (TASS)