Bir gün yüksək rütbəli bir məmurun evindən külli miqdarda — tam 10 milyon rubl nağd pul müsadirə olunur. Ertəsi gün xəbərlərdə və sənədlərdə rəqəmlər maraqlı şəkildə dəyişməyə başlayır:
Milis rəisi raport yazır:
“Əməliyyat nəticəsində 8 milyon rubl müsadirə edilib və Baş İdarəyə təhvil verilib.”
Baş İdarə prokurorluğa məktub göndərir:
“Məlum xidməti tapşırıq çərçivəsində 5 milyon rubl dövlət hesabına köçürülmək üçün qeydiyyata alınıb.”
Prokurorluq məhkəməyə çıxarış verir: “Müttəhimin evindən tapılan 2 milyon rublun mənşəyi araşdırılır.”
Hakim hökmü oxuyur: “Məhkumun evindən müsadirə olunan 500 min rublun dövlət büdcəsinə müsadirə edilməsi barədə qərar qəbul edilsin.”
Nəhayət, xəbərlərdə başlığı oxuyuruq:
“Dövlət əmlakını talayan rejim düşməninin evindən tapılan həmin o 100 rubl dövlət büdcəsinə uğurla keçirildi.