ABŞ İranla mümkün hərbi əməliyyata hazırlıq çərçivəsində genişmiqyaslı qüvvə və texnika köçürülməsini davam etdirir.
ABŞ Milli Qvardiyasının HHQ-nin 158-ci qırıcı qanadına məxsus F-35A Lightning II qırıcıları iki KC-46A Pegasus tanker təyyarəsinin dəstəyi ilə Portuqaliyaya məxsus Azor adalarındakı Lajes aviabazasına çatıb.
Altı ədəd EA-18G Growler radioelektron mübarizə təyyarəsi dörd KC-46A Pegasus tankerinin müşayiəti ilə Virciniya ştatındakı Okeana hərbi-dəniz aviabazasından İspaniyadakı Rota hərbi-dəniz bazasına uçub.
Robert Qrey aviabazasından havaya qalxan dörd C-17 Globemaster III nəqliyyat təyyarəsi Almaniyadakı Spangdahlem aviabazasına eniş edib.
Daha üç C-17 Globemaster III təyyarəsi Səudiyyə Ərəbistanındakı Şahzadə Sultan aviabazasına çatıb.
Bir C-17 Globemaster III isə Küveytdə yerləşən Əli əl-Salem aviabazasına enib. Eyni zamanda iki HC-130J Combat King II təyyarəsi Yaxın Şərqə köçürülüb. Bu tip təyyarələr ABŞ HHQ tərəfindən axtarış-xilasetmə əməliyyatlarında istifadə olunur.
Xüsusi Əməliyyatlar Komandanlığına məxsus MC-130J Commando II təyyarəsi Mildenhall – Ramştayn – Budapeşt – Yaxın Şərq marşrutu üzrə uçuş həyata keçirib.
Bundan əlavə, iki KC-135 Stratotanker yanacaqdolduran təyyarə Makdill aviabazasından İspaniyadakı Rota hərbi-dəniz bazasına çatıb.
Günün əvvəlində Robert Qrey aerodromundan Fort Huda doğru doqquz nəqliyyat aviasiyası reysi qeydə alınıb. Fort Hudda 62-ci HHM alayının THAAD komplekslərinə aid B və E batareyaları yerləşdirilib.
🔍 HC-130J Combat King II təyyarələrinə xüsusi diqqət yetirilməlidir.
Bu təyyarələrin Yaxın Şərqə köçürülməsi İrana qarşı böyük hərbi əməliyyatın demək olar ki, qaçılmaz olduğuna dair daha bir ciddi siqnaldır.
Məsələ ondadır ki, HC-130J-lər xüsusilə döyüş şəraitində axtarış və xilasetmə əməliyyatları (Combat Search and Rescue – CSAR), o cümlədən gecə missiyaları üçün nəzərdə tutulmuş ixtisaslaşmış platformalardır.
Bu təyyarələr eyni vaxtda iki HH-60G Pave Hawk xilasetmə helikopterini havada yanacaqla təmin edə bilir. Məhz həmin helikopterlər döyüş əməliyyatları zamanı vurula biləcək pilotların xilas edilməsi üzrə birbaşa tapşırıqları icra edəcək.
Beləliklə, düşmən ərazisi üzərində vurulmuş pilotların xilas edilməsi üçün nəzərdə tutulan təyyarələrin Yaxın Şərqdə yerləşdirilməsi onu göstərir ki, ABŞ mümkün itkiləri real ssenari kimi qiymətləndirir və əməliyyata əvvəlcədən hazırlaşır.
Qeyd edək ki, HC-130J Combat King II təyyarələri vaxtilə Venesuela istiqamətində planlaşdırılan əməliyyat çərçivəsində də bölgəyə göndərilmişdi…