Gürcüstanın Baş naziri İrakli Kobaxidze jurnalistlərin ABŞ-ın vitse-prezidenti J.D. Vensin niyə Tbilisiyə yox, Bakı və Yerevana səfər etməyi planlaşdırması ilə bağlı suallarına münasibət bildirib.
“ABŞ vitse-prezidentinin səfəri TRIPP (Zəngəzur dəhlizi) marşrutu ilə bağlıdır, ona görə də bu səfər üçün əsas ölkələrin Azərbaycan və Ermənistan olması məntiqlidir. Əlavə şərhə ehtiyac yoxdur”, – deyə Kobaxidze bildirib.
O, həmçinin vurğuladı ki, Gürcüstan ABŞ ilə strateji tərəfdaşlığını yeniləməyə hazırdır və onlardan konkret addımlar gözləyir.
Xatırladaq ki, ABŞ prezidenti Donald Tramp əvvəllər vitse-prezident J.D. Vensin fevral ayında Vaşinqtonun Cənubi Qafqazda sülh təşəbbüslərini təşviq etmək üçün Ermənistan və Azərbaycana səfər edəcəyini bildirmişdi.