Son günlər Qərb mediasında əsas sual budur: Rusiya ilə Ukrayna arasında real sülh müqaviləsi imzalana bilərmi? Cavablar isə ehtiyatlı və çox vaxt pessimistdir.
Reuters yazır ki, Kreml kompromisə açıq görünmür və Avropa ilə Ukraynanın ABŞ-ın sülh təkliflərinə etdiyi dəyişikliklər “sülh şansını artırmayıb”. Moskva hələ də ultimatum dili ilə danışır.
The Guardian isə qeyd edir ki, Vaşinqton və Kiyev sülh planları üzərində işləsə də, “Rusiyanın real niyyətləri hələ də qeyri-müəyyəndir”.
Qərbin aparıcı analitik mərkəzlərindən Atlantic Council daha sərtdir:
“Putin kompromis sülhə maraq göstərmir.”
Bəzi mənbələr Ukraynanın sülh planına “yalnız texniki detalların qaldığını” desə də, Rusiyadan rəsmi və konstruktiv cavab yoxdur.
Ümumi mənzərə aydındır:
Qərb mediası sülh ehtimalını tam istisna etmir, amma bunu uzun, çətin və ağır kompromislərlə dolu proses kimi görür. Yaxın perspektivdə sürətli və ədalətli sülh isə hələ real görünmür.