İran İslam Respublikası Xarici İşlər Nazirliyinin rəsmi sözçüsü İsmayıl Bəqayi bildirib ki, İran Avropa ölkələrinin tələbi ilə Rusiya ilə münasibətləri kəsmək niyyətində deyil.
Onun sözlərinə görə, Rusiya ilə dostluq və diplomatik əlaqələri saxlayan hər bir dövlətin Avropanın təzyiqi altında bu münasibətlərdən imtina edəcəyini gözləmək məntiqsiz və əsassızdır.
İran Xarici İşlər Nazirliyinin sözçüsü vurğulayıb ki, Avropa ölkələri digər dövlətlərə tələblər irəli sürməzdən əvvəl öz davranışlarını nəzərdən keçirməli və Ukraynadakı münaqişənin səbəblərini təhlil etməlidirlər.