Bu gecə Krımın Belbek aerodromunda Rusiyaya məxsus 2 ədəd Su-27 hərbi təyyarəsi Ukrayna Təhlükəsizlik Xidmətinin dronları tərəfindən məhv edilib. Dispetçer qülləsinə də zərbə endirilib. Bir neçə gün əvvəl burada MiQ-31 təyyarəsi də vurulmuşdu.
Xəzərdə isə Rusiyanın patrul gəmisi (“Oxotnik” 22460 layihəli ) vurulub və “Lukoil”un Filanovski adına neft-qaz platformasına təkrar zərbə endirilib. Son günlər burada Korçagin və Qrayfer adına yataqlar da hücuma məruz qalıb.
Dünən Aralıq dənizində (Ukrayna sahillərindən 2000 km aralıda) Rusiyanın kölgə donanmasına aid daha bir tanker sıradan çıxarılıb.
Əməliyyatların miqyası və coğrafiyası genişlənərək davam edir.