Ukrayna Silahlı Qüvvələri (UAF) Xəzər dənizində silah daşıyan iki Rusiya gəmisinə hücum edildiyini açıqlayıb.
Ukrayna xüsusi əməliyyat qüvvələrinin məlumatına görə, Kalmıkiya sahilləri yaxınlığında hərbi daşınmalarda istifadə olunan və ABŞ sanksiyaları altında olan “Kompozitor Raxmaninov” və “Askar-Saridja” gəmiləri vurulub.
Ukrayna tərəfi iddia edir ki, gəmilərin marşrutları haqqında məlumat “Qara Qığılcım” hərəkatından əldə olunub.
Hücumun nəticələri barədə hələlik məlumat yoxdur. Rusiya rəsmiləri iddialarla bağlı heç bir açıqlama verməyiblər.