Rusiya Ukraynada apardığı müharibyə 542 milyard dollar xərcləyib – bu isə ölkənin 22 illik səhiyyə xərclərinə bərabərdir
2025-ci ilin yanvar–sentyabr aylarında Rusiya Federasiyasının federal büdcəsinin hərbi maddələr üzrə xərcləri rekord həddə – 11,854 trilyon rubl təşkil edib. 2024-cü ilin eyni dövrü ilə müqayisədə orduya və silah istehsalına ayrılan vəsait 30% artıb, müharibədən əvvəlki 2021-ci illə müqayisədə isə Rusiyanın “müdafiə” xərcləri 295% yüksəlib. Statistikanı Almaniyanın Beynəlxalq Təhlükəsizlik Problemləri İnstitutundan Yanis Kluqe təhlil edib.
Kluqenin məlumatına görə, Kremlin 2025-ci ildə topladığı vergilərin 44%-i və federal büdcə xərclərinin 39%-i müharibəyə yönəldilib. Hər iki göstərici rekorddur. Müqayisə üçün, 2021-ci ildə bunlar müvafiq olaraq 18,4% və 19% idi.
Kluqe hesablayıb ki, Rusiya-Ukrayna müharibəsi Rusiya vergi ödəyicilərinə ən azı 42,343 trilyon rubla, yəni 542 milyard dollara başa gəlib. Bu, federal büdcənin səhiyyəyə 22 illik xərclərinə bərabərdir.
2026-cı ildə sosial xərclərin payı 25,1% təşkil etməlidir, halbuki müharibədən əvvəl bu göstərici 38,1%-ə çatırdı. (DW.de)
Paylaşdı: Azadlıq Qəzeti