Avropa tələb edir ki, Tramp Ukraynadakı müharibə cinayətlərinə görə Rusiyanı məsuliyyətdən azad etməsin.
Tacxeber.comxəbər verir ki, bunu Avropa Ədalət və Demokratiya üzrə Komissarı Maykl Makqrat“Politico”ya açıqlamasında deyib.
Avropanın tələbinə görə, danışıqları aparanlar atəşkəsə nail olmağın Rusiyanın məsuliyyətdən yayınmasına gətirib çıxarmamasını təmin etməlidirlər.
Nəşrin məlumatına görə, Avropa ABŞ-nin 28 bəndlik “sülh planı”nın müharibə zamanı törədilən cinayətlərdən ruslar üçün tam əfv nəzərdə tutulmasından narahatdır. Makqratın sözlərinə görə, ruslar müharibə cinayətlərinə görə məsuliyyət daşımalıdırlar və “Avropa İttifaqı bütün bu müzakirələrdə məhz bu yanaşmanı tətbiq edəcək”: “Əgər biz bunu etsək, bu cinayətlərə görə cəzasızlığa yol versək, növbəti təcavüz və növbəti işğal üçün toxum səpərik. Bu, böyük miqyaslı tarixi səhv olardı”.(AzPolitika.info)