Ukrayna Prezident Aparatının rəhbəri Andrey Yermak istefa ərizəsi təqdim edib.
Bu barədə Ukrayna prezidenti Vladimir Zelenski axşam müraciətində bildirib.
“Ukrayna Prezident Aparatının tamamilə yenidən işə salınması olacaq. Sabah mən Prezident Aparatının yeni rəhbəri ilə bağlı məsləhətləşmələr aparacağam”, – Zelenski bildirib.
Xatırladaq ki, bu gün Ukrayna Milli Antikorrupsiya Bürosu (NABU) və İxtisaslaşdırılmış Korrupsiyaya Qarşı Mübarizə Prokurorluğu (SAPO) Yermakın evində axtarışlar aparıb.