Əlbəttə, Azərbaycanda heç nə təəccüblü deyil. Amma çox şey utancvericidir.
300-dən artıq siyasi məhbusun olduğu, müstəqil mətbuatın dəfn edildiyi, seçkinin ləğv olunduğu ölkədə müxalifət partiyasının sədrinə pasport verilməməsi rejimin mahiyyətinə uyğundur.
Amma bu utancverici qərarı qəbul edib və bundan bütün dünyanın xəbərdar olmasından xəcalət çəkməmək başqa bir səviyyədi.
Əslində, Əli Kərimliyə heç bir ağlabatan səbəb olmadan pasport verilməməsi, rejimin bütün dünya qarşısında rüsvayçılıq pasportu almasıdır.
Atalar sözündə deyilir ki, islanmışın yağışdan qorxusu olmaz.
Bunlarda isə vəziyyət lap acınacaqlıdı, bunların libasının quru vaxtı olmur, ilin hər günü islanmış vəziyyətdədilər.