Bu gün Əli Kərimli bəylə Topumçuların məhkəməsinə getmişdik. Tanınmış hüquqşünas, media hüquqları üzərə ölkənin nadir mütəxəssislərindən biri Ələsgər Məmmədli artıq 3-cü iclas idi ki, sərbəst ifadəsini davam etdirirdi. Ancaq bu ifadənin sonluğu Kərbəlayi Zalın bomba əhvalatı kimi çox gülməli oldu.
Deməli, Ələsgər bəy həbs edilən zaman evində axtarış aparılıb və axtarışçılar zamanı özlərinin evə qoyduqları pulla yanaşı xeyli kağız-küğuz, müxtəlif sənədlər, tələbəlik dövründə istifadə edilən vaxtı ötmüş bank kartlı, əmək haqqı kartı və sair müsadirə ediblər.
Ən başlıcası odur ki, polis və istintaq orqanları axtarış zamanı Ələsgər bəyin evindən “tapdıqları” Gürcüstan metro kartın ona qarşıı irəli sürülən “qaçaqmalçılıq” ittihamını “əsaslandırmaq” üçün Georgian Bank kartı kimi sənədləşdiriblər. Bu da XXI əsrin bombası. Allah səni rəhmət eləsin təcrübəli qarodovoy Kərbəlayi Zal!