İran Prezidenti Məsud Pezeşkian İsrailin bölgədəki fəaliyyətlərinə münasibət bildirərək beynəlxalq ictimaiyyəti sionist rejimi təcrid etməyə çağırıb.
Bu barədə “Tehran Times” məlumat yayıb.
“Bu hücum boşluqda yaranmadı. Onilliklər boyu müəyyən Qərb güclərinin İsrailə verdiyi toxunulmazlıq dəstəyinin qaçılmaz nəticəsidir. Dünya çoxdan Amerikanın vetoları, Avropa ilə ticarət razılaşmaları, beynəlxalq və məhkəmə sisteminin iflic olması hesabına İsrail ətrafında dayaqların qurulduğunu görüb”, – Pezeşkian vurğulayıb.
O əlavə edib ki, “sionist rejim” İranın suverenliyi, ləyaqəti və gələcəyinə qarşı müharibə elan edib:
“Biz qorxmayacağıq, parçalanmayacağıq, susmayacağıq. Qəzzanın külündən ədalət yüksələcək. Doha, Beyrut, Tehran, Dəməşq və Sənada dağıntılar arasından yeni nizam yaranacaq”.