ABŞ-da, sağçı konservativ fəal Çarli Kirk-i öldürdüyü güman edilən silahlının saxlanıldığı bildirilib. Bu barədə keçmiş prezident Donald Tramp Fox News telekanalına verdiyi müsahibədə məlumat verib.
“Ola bilsin ki, biz onu tutduq! Böyük əminliklə deyə bilərik ki, şübhəli artıq nəzarət altındadır”, — deyə Tramp bildirib.
Trampın sözlərinə görə, bu cinayətin açılmasında şübhəlinin yaxın ətrafından biri kömək edib. Saxlanılan şəxsin kimliyi hələ rəsmi şəkildə açıqlanmayıb.
Kirk Yutada keçirilən ictimai çıxışı zamanı 31 yaşlı silahlı şəxs tərəfindən güllələnib. Onun ölümü ABŞ-da və onun hüdudlarından kənarda geniş rezonans doğurub: o, Trampın ən tanınmış tərəfdarlarından biri idi və “Charlie Kirk Show” adlı məşhur podkastın aparıcısı idi. (Azadlıq Qəzeti)