Putin bazar ertəsinədək (1 sentyabradək-red.) Zelenski ilə görüşə razı olmasa, bu, onun növbəti dəfə ABŞ prezidenti Donald Trampla “oynayıb və ələ saldı” anlamına gələcək.
Tacxeber.com xəbər verir ki, bunu Fransa prezidenti Emanuel Makron Almaniya kansleri Fridrix Merzlə görüşdən sonra keçirilən mətbuat konfransında deyib.
“Əgər bu ikitərəfli görüş Bazar ertəsinə qədər baş tutmasa, mən inanıram ki, bu, bir daha prezident Putinin prezident Trampla oynayıb, onu ələ salması anlamına gələcək və bu cavabsız qala bilməz”, – Makron bildirib.
Almaniya kansleri Fridrix Merz osə deyib ki, çox güman Putinlə Zelenski arasında görüş olmayacaq.
“Vaşinqtonda olarkən Tramp və Putin arasında razılaşmaya baxmayaraq, prezident Zelenski ilə prezident Putin arasında görüş açıq şəkildə baş tutmayacaq”, – Merz qeyd edib.