Çin bütün tezliklərdə yüksək sürətli məlumat ötürülməsini təmin etməyə qadir olan altıncı nəsil (6G) şəbəkələr üçün dünyada ilk universal çip hazırlayıb.
Tacxeber.com xəbər verir ki, bu barədə “South China Morning Post” məlumat yayıb.
Tərtibatçıların fikrincə, texnologiya az məskunlaşmış ərazilərdə mövcud sürətlərlə müqayisədə məlumatların 5000 dəfə sürətli ötürülməsinə imkan verir. Belə internetlə 50 giqabaytlıq videofaylın 8K təsvir ölçüsündə ötürülməsi bir neçə saniyə ərzində mümkün olacaq.
Bununla belə, bir sıra ekspertlərin fikrincə, 6G texnologiyalarının genişmiqyaslı tətbiqi elektromaqnit spektrinə əlavə yük yarada və bir sıra ssenarilərdə əlaqələrin etibarlılığını potensial olaraq azalda bilər.