Cənab İsmayılov, qisasçılıqla məşğul olmayın. Sevinci çörəklə də sınağa çəksəz, sınmaz.
“Artıq iki aydır ki, sərinkeşi təcridxanaya aparıb geri qaytarıram. Rəis Elnur İsmayılov Sevinclə prinsip aparır. Deyir ki, buradan [təcridxanadan] yazı çıxardığın üçün sənə sərinkeş vermirik. Sən bu yazdıqlarını saytdan sildir, mən də sərinkeşi içəri buraxdırım. Sevinc də deyir ki, yazı silinməyəcək və sərinkeş də içəri girəcək. Sonuncu dəfə iki həftə öncə aparmışdım, yenə də içəri buraxmadılar”.
Sevincin anası Ofelya Məhərrəmova “Meydan TV”-yə belə deyib.
Sərhədsiz Reportyorlar Təşkilatı (RSF) və Azərbaycanın mühacirətdə fəaliyyət göstərən müstəqil media qurumları –
“Free Voices Collective” (“Azad Səslər Kollektivi”), “Meydan TV”, “Toplum TV” “Qəzetci” həbsdə olan jurnalist Sevinc Vaqifqızına dəstək məqsədilə “Həbsxananı sərinkeşlərlə doldurun!” (“Flood them with fans”) adlı açıqca kampaniyasına başlayıb.