“Washington Post” qəzeti Rusiya prezidenti Vladimir Putinin Alyaska səfərinin yekunlarını açıqlayıb. Nəşr qeyd edir ki, Donald Trampla danışıqlar konkret nəticədən asılı olmayaraq Rusiya lideri üçün diplomatik qələbə olub.
Qəzetin yazdığına görə, görüş Putinə öz mövqeyini birbaşa ABŞ prezidentinə bildirmək imkanı verib. Məqalədə o da bildirilir ki, Rusiya lideri Vaşinqtonun Moskvaya qarşı əlavə sanksiyalar tətbiq etməsini ləngitməyə nail olub.
Qəzet Putinin səmimi qarşılanmasına xüsusi diqqət yetirib. Washington Post yazır ki, Amerika və Rusiya liderlərinin salamı Avropada narahatlıq yaradıb. Qəzetin yazdığına görə, Tramp Putini qırmızı xalçadan keçərkən alqışlayıb, bundan sonra liderlər “əl sıxışıb, zarafat edib və gülüblər”.