Əgər amerikalılar gerçəkdən Zəngəzur yoluna nəzarəti götürəcəklərsə, təbii ki, söhbət ilk növbədə təhlükəsizliyin təminatından gedəcək. Bu təhlükəsizliyi də, ABŞ-ın özəl hərbi şirkətlərindən biri həyata keçirəcək. “Biri” demişkən, konkret hansı özəl hərbi şirkətin olması çox vacib məsələdir. ÖHŞ-lər, ümumiyyətlə silah lobbisi və hərblə bağlı hər bir sahə ABŞ-da fərqli maraq qruplarının nəzarətindədir.
Gələcəkdə bu məsələyə ciddi diqqət yetirməli olacağıq, ona görə ki, hansı ÖHŞ-nin Zəngəzur yoluna nəzarət edəcəyindən asılı olaraq, ABŞ-da Cənubi Qafqaz regionunda təhlükəsizliyinə məsul senatorları, konqresmenləri və digər şəxsləri müəyyən edə biləcəyik(hər OHŞ-nin Konqresdə öz lobbiçiləri var).
Məhz bu şəxsləri həm Azərbaycanda, həm də Ermənistanda tez-tez görəcəyik və məhz bu şəxslər regionda təhlükəsizlik durumu ilə bağlı Konqresə hesabat verəcəklər.