Qlobal ərzaq qiymətləri iyul ayında iki ildən artıqdır ki, ən yüksək həddə çatıb.
Bu barədə BMT-nin Ərzaq və Kənd Təsərrüfatı Təşkilatı (FAO) məlumat yayıb.
“Bir çox ölkələrdə yüksək inflyasiya əhalinin, xüsusilə də yoxsulların alıcılıq qabiliyyətini kəskin şəkildə aşağı salıb və onların sağlam qidalanmaya çıxışını çətinləşdirib”, – hesabatda deyilir.
FAO-nun məlumatına görə, ərzaq qiymətləri üçün qlobal etalon rolunu oynayan ərzaq qiymətləri indeksi bu ilin iyul ayında əvvəlki ayla müqayisədə 1,6 faiz artaraq orta hesabla 130,1 bənd təşkil edib.
Təşkilat qeyd edir ki, bu məlumatlar 2023-cü ilin fevralından bəri ən yüksək göstəricidir. Eyni zamanda, hesabatda qeyd edilir ki, indeks Rusiyanın Ukraynada xüsusi hərbi əməliyyatına başladıqdan sonra əldə edilən 2022-ci ilin mart ayında əldə edilən pik həddindən 18,8% aşağı olub.