ABŞ prezidenti Donald Tramp administrasiyasını Rusiya və Ukrayna prezidentləri Vladimir Putin və Vladimir Zelenski ilə mümkün qədər tez görüş təyin etməyə çağırıb.
Bu barədə CNN Ağ Evdəki mənbəyə istinadən məlumat yayıb.
Amerika liderinin köməkçilərinin dərhal Putin və Zelenski ilə görüşlər planlaşdırmağa başladığı iddia edilir. Telekanalın məlumatına görə, onlar bir-iki həftəyə baş tuta bilər.
“Prezidentin səfərini və iki dünya lideri ilə böyük görüşü planlaşdırmaq adətən vaxt tələb etsə də, rəsmilər qeyd ediblər ki, Tramp öz komandasını sürətlə hərəkətə keçməyə çağırır”, – bəyanatda deyilir.